Tavolina e ekipës 7 dhe 20 në Qendrën Komunale të Numërimit në Ferizaj është e zbrazët.
Aty pajisjet teknike këtë të premte ishin jashtë funksionit dhe komisionarët e vëzhguesit nuk ishin prezent.
Por punën e vazhduan ekipet e tjera në këtë qendër si zakonisht.
Se numërimi në këtë qendër ka parregullsi thanë edhe nga organizata AVONËT.
Aolta Bajrami tregoi për problemet kyçe.
Sipas saj, nëse procesi i numërimit vazhdon me këto probleme, numërimi zgjatë edhe një javë.
Procesi me parregullsi filloi edhe në Qendrën Komunale të Numërimit në Shtime.
Ende pa filluar numërimin të enjten, në këtë qendër u ndal energjia elektrike.
Kryesuesja e kësaj qendre, Florije Mulaj tha se procesi filloi të premten pa ndonjë parregullsi.
Pesë ditë pas zgjedhjeve, procesin e numërimit të kutive të votimit e kanë kryer vetëm komuna e Hanit të Elezit, Parteshit dhe Shtërpcës.
