Policia e Kosovës ka arrestuar një 53-vjeçar në Ferizaj i cili ishte në kërkim me urdhër të gjykatës.
G.H, shtetas i Kosovës është arrestuar të premten në rrugën “Reçaku” në Ferizaj pasi paraprakisht ishte ndaluar.
Ai ishte i dënuar më dy vjet burgim për veprën penale ’Posedim i paautorizuar i narkotikëve, substancave psikotrope apo analoge “
“Me datën 07.07.2023 rreth orës 18:20 policët e stacionit në Ferizaj, në rrugën “Reçaku” në Ferizaj kanë ndaluar e më pas e kanë arrestuar personin e kërkuar me urdhëresë të gjykatës G.H (M/K), i moshës 53 vjeçar.Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Posedim i paautorizuar i narkotikëve, substancave psikotrope apo analoge ’’ me dënim burgimi prej dy (2 ) viteve.Pas kompletimit të dokumentacionit është dërguar në vuajtje të dënimit”, thuhet në komunikatën e PK-së./teve1.info/
