Deputetja e VV-së, Arjeta Fejza i ka reaguar deputetes së LDK-së, Hykmete Bajramit, e cila tha se fëmijët mund të mbesin pa tekste shkollore pas situatës së krijuar.
Fejza ka thënë se fëmijët nuk do të mbeten pa libra. Por sipas saj ato do të sigurohen pa ndërmjetësimin e grupeve të interesit, siç sipas saj ka bërë LDK-ja.
“E nderuar, fëmijët nuk do të mbeten pa libra, atyre do t’u sigurohen librat, por pa ndërmjetësimin e grupeve të interesit siç keni bërë ju”, ka shkruar Fejza.
“Libra do të ketë për të gjithë. Nuk mund të vidhet më në emër të nxënësve dhe librit”, vijon tutje ajo.
