Në këtë kohë do të duhej të ishin në vendet e tyre të punës.
Por e marta këta punëtorë të sigurimit fizik të kompanisë “ Skyftert Live” i gjeti duke protestuar para Komunës së Prishtinës, si pasojë e mos ekzekutimit të pagave.
Pagën e kërkuan edhe nga vetë, menaxheri i kompanisë.
“Të enjten ke qenë në pikë të unë, për me ardh me na vizituar ti ke qenë na ke vizituar për vizitë me ardh me an pa si figura na njihni, por ne kemi nevojë për paga mos i vononi. Je ardhë ti personalisht ke thënë që të enjten ose të premten dalin pagat në javën që ka shku”, është shprehur njëri nga puntorët.
Probleme të tilla me paga sipas punëtorit Nuhi Sejdiu, kanë pasur edhe muajt e kaluar.
“Qe dy muaj po na i vonojnë kështu rrogat, plus na i shkelin të drejtat tona orët shtesë, orët e natës, orët e festave shtetërore, asgjë nuk paguajnë vetëm rrogën minimale, por këtu mjerim është te na. Aq shumë duhet me protestë për pagë sa që me trazuar edhe Komunën”, ka thënë punëtori tjetër.
Madje përveç problemit me paga, ata thonë se nuk kanë as kontratë të punës.
“Paret le ti vendos sot e kontrata le t’i sjellë, herën e parë ka thane që Qeveria i ka ndalë paret, tash përmbaruesit pse po rreni, i keni rrenat e kullueshme, na robiasha nuk jemi paret le ti vendos sot se përndryshe çdo ditë kemi me qenë këtu”, folur edhe tjetri puntorë.
Menaxheri pati pastaj një kërkesa nga punëtorët.
Teksa i njëjti në emër të kompanisë premtoi ekzekutim të pagës deri në ditën e premte.
“Deri të premten unë ju garantojë që pagat ju dalin, kthehuni në vende të punës. Unë, po jap garancion se unë ka me u përballë përsëri me juve”, ka theksuat menaxheri i firmës.
Pas këtij diskutimi, punëtorët bashkë me menaxherin e kompanisë arritën një lloj marrëveshje, dhe iu kthyen punës.
Kurse nga Komuna e Prishtinës në një përgjigje me shkrim thanë për tëvë1 se fajtor për këtë çështje është Ministria e Financave.
“Të gjitha faturat në pritje do të paguhen në momentin që lirohen mjetet nga Ministria e Financave”, thuhet në njoftimi nga Drejtoria e Financave në Prishtinë.
Televizioni ka dërguar pyetje për këtë çështje edhe në Ministria e Financave, por të njëjtit nuk kanë kthyer përgjigje.
Përveç këtyre punëtorëve, pa paga kanë mbetur edhe punëtorët teknikë të sektorit privat që operojnë në disa shkolla në kryeqytet.
