Skuadra nga Rrogozhina, Egnatia po bën sërish bujë me miqësoret që organizon.
Pas ndeshjes së vitit të shkuar ndaj Interit, këtë vit kampionia e Shqipërisët do të përballet me Napolin e Antonio Contes.
Ky test miqësor është parashikuar të luhet më datë 28 korrik në orën 20:00, në kampin stërvitor të skuadrës italiane.
Në fakt, ishte parashikuar që kundër Napolit të vendoseshin përballë turqit e Adana Demirspor, mirëpo për shkak të disa problemeve organizative, Adana nuk do të luajë këtë ndeshje.
Këtu më së miri e gjeti veten skuadra kampione e Shqipërisë, Egnatia përfitoi për të zhvilluar një tjetër miqësore luksi me një emër të njohur dhe prestigjioz të Serie A.
Kujtojmë se më datë 25 korrik, Egnatia do të zhvillojë ndeshjen e parë të raundit të dytë në Conference League. Në duelin e parë Egnatia është mysafire e Vikingurit të islandës, ndërsa dueli i kthimit është më datën 1 gusht në Shqipëri.
