Ylli argjentinas, Lionel Messi në një intervistë të publikuar nga një kanal transmetimi në vendin e tij Luzu TV, deklaroi se do të donte të kishte një klub kur të tërhiqej nga futbolli dhe gjithashtu u ndal te jeta e tij familjare.
“Sinqerisht nuk e shoh veten si trajner, më pëlqen ideja e të qenit menaxher, por nëse duhet të zgjedh një nga të tre, preferoj të jem pronar. Do të doja të kisha klubin tim… që të fillonte nga poshtë dhe të ishte në gjendje t’u jepte fëmijëve, njerëzve, mundësinë për t’u rritur dhe për të krijuar një klub të rëndësishëm”, tha ai.
Ai zbuloi disa detaje rreth marrëdhënies së tij duke e përshkruar veten si të fiksuar pas rendit, deri në atë pikë sa e ka “infektuar” Antonelën me kalimin e viteve.
“Tani jemi në të njëjtin nivel, por në fillim ajo ishte një katastrofë. Unë i rendis rrobat sipas ngjyrës, përgatis gjithçka para stërvitjes dhe nuk më pëlqen që dikush të më prekë gjërat. Thiago është njësoj si unë, ndërsa Mateo dhe Ciro janë më shumë si ajo.”
Më pas ai pranoi se është romantik dhe se gjestet kanë më shumë rëndësi për të sesa fjalët.
“Është e vështirë për mua të shpreh veten, por më pëlqen ta bëj personin që dua të ndihet mirë. Antonela më pëlqente që kur isha i vogël”, përfundoi ai.
