Shkruan: Tomor Avdia
Propozimi i shefit të Shtabit të Përgjithshëm të Ushtrisë shqiptare për postin e presidentit të Republikës dhe votimi i sotëm, nga deputetët e Ramës, e ndihmuar dhe nga një votë opozitare, është një shkelje flagrante e frymës që kërkon zgjedhja e presidentit të një vendi.
Kjo mund të ketë pasoja shumë të rënda për të procesin e zgjedhjes së presidentit në të ardhmen.
Kushtetuta e Shqipërisë në nenin 167 thotë: Ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike. Pjesëtarët e Forcave të Armatosura ose personat që kryejnë shërbim alternativ, gëzojnë të gjitha të drejtat dhe liritë kushtetuese përveç rasteve kur ligji parashikon ndryshe.”
Ky nen pra, u ndalon rreptësisht ushtarakëve aktiv të zgjidhen apo eërohen në detyra të tjera.
Prandaj dhe ky emërim dhe një figurë e mbajtur “sekret” nga Rama përbën një precedent të paqartë për të sotmen dhe të ardhmen e demokracisë shqiptare.
Kjo shkelje mund të konsiderohet e rëndë nga Gjykata Kushtetuese.
Ky veprim antikushtetues zhyt vendin në një krizë të rëndë kushtetuese dhe politike.
Kjo së pari, ku Kushtetuta në përcaktimin e saj është e qartë si kristal dhe është taksative në nenin e saj se ushtaraku aktiv nuk mund të emërohet dhe zgjidhet në detyra të tjera jashtë politike apo administrative.
Ai që beson se mund ta “shesë” Gjeneral Bajram Begajn si ushtarak jo aktiv, ai tallet me Kushtetutën, ushtrinë dhe shoqërinë shqiptare.
Gjeneral Begaj, i cili edhe në këtë moment është shefi i shtabit të përgjithshëm, aktiv pas nuk ka emërimi të një gjenerali të ri në vend të tij.
Pra aktiv, po jep dorëheqjen apo po shkarkohet me dekret, pra po largohet nga ushtria si ushtarak aktiv pikërisht për të marrë një detyrë që Kushtetuta nuk e lejon.
Do të ishte antikushtetuese dhe jashtë çdo logjike ligjore të shpallësh ushtarak jo aktiv atë që kalon nga karrigia më e lartë e ushtrisë në karrigen më të lartë të shtetit.
Në rast se gjeneral Begaj kishte ambicie politike, ai duhet prej kohësh të kishte hequr dorë nga funksionet ushtarake.
Për qëndrimin e tij të dy ditëve tē fundit ai provon se nuk njeh ligj as Kushtetutë për ambiciet e tij për pushtet.
Dy ushtarakët Gjeneral Moisiu dhe Nishani, kanë marrë këtë detyrë pasi kanë qenë larguar zyrtarisht shumë kohë më herët nga ushtarak aktiv.
Kushtetuta në nenin e saj 167 është taksative ku thotë se ushtarakët, për kohën që janë ushtarak aktiv nuk mund të kenë, ushqejnë ambicie për pushtete të tjera.
Me këtë akt që mund të përbëjë shkelje, antikushtetues krijohet precedenti i rrezikshëm për vendin sepse krijon precedentin e mundësisë së ardhjes së ushtarakëve në pushtet pavarësisht se Kushtetuta nuk i lejon ata.
Njëlloj si sot Bajram Bega, nesër një pasardhës i tij mund të përdor këtë precedent kushtetues.
Një veprim i tillë, mund të jetë flagrante e kapjes së shtetit dhe Kushtetutës, nga një kryetar partie si Edi Rama!
Kushtetueshmëria dhe institucioni i presidentit të Republikës, duhet të mbrohet.
Ky institucion dhe fyma duhet të ishte pjesë kompromisi, që të drejtohet nga zgjidhje e propozuar nga opozita, për të cilën u mundua Rama ta shesë tek Ali Basha.
Duke tentuar dhe të krijojë dhe një lojë qesharake brenda kampit opozitar që ai i dirigjonte.
Tani skenari dështoi, por dhe kēshilla e ndërkombëtarëve për një president, konsensui u hodh poshtë nga Rama.
Ata tentuan që ta bënin një gjë të tillë për dy arsye, e para për të ruajtur balancin e pushtetit, që mos të jetë e tëra në duartë e PS-së.
Së dyti, për të mbyllur sadopak gropën e zezë, që kishte procesi i manipulimit dhe i vjedhjeve të zgjedhjeve të 25 prillit të vitit të kaluar.
