Miliarderi Elon Musk tha sot se inteligjenca artificiale dhe robotika humanoide do ta riformësojnë në mënyrë dramatike shoqërinë globale, duke parashikuar një të ardhme në të cilën varfëria do të eliminohet dhe puna do të jetë vetëm një opsion.
“Inteligjenca artificiale dhe robotët humanoide do ta eliminojnë në të vërtetë varfërinë,” tha Musk në Forumin e Investimeve SHBA-Saudite në Uashington.
Musk, i cili drejton prodhuesin e makinave elektrike Tesla, prodhuesin e raketave SpaceX dhe startup-in e inteligjencës artificiale xAI, tha se shoqëria duhet të përgatitet për ndryshime strukturore ndërsa teknologjia përparon.
Ai parashikoi se në “afat të gjatë”, të cilin e përcaktoi si 10 deri në 20 vjet, puna tradicionale do të bëhej e panevojshme për shumicën e njerëzve.
“Parashikimi im është se puna do të jetë opsion. Do të jetë si të luash sporte ose të luash video-lojëra…Mund të shkosh në dyqan dhe të blesh perime ose mund t’i kultivosh në oborrin tënd. Është shumë më e vështirë, por disa njerëz ende e bëjnë këtë, pasi u pëlqen të kultivojnë perime. Kjo është puna që do të jetë opsionale,” ka thënë Musk.
