Barcelona dhe Real Madridi, do të ndeshen sonte në stadiumin “King Abdullah” në Jeddah të Arabisë Saudite, këtë herë në finalen e Superkupës së Spanjës.
Rivalët më të mëdhenj të futbollit spanjoll do të luftojnë për trofeun e tretë më të rëndësishëm në vend, pas titullit të La Ligës dhe Kupës së Mbretit, ndërsa tifozët presin një tjetër spektakël të vërtetë.
Të dy ekipet futen në këtë sfidë me formë të mirë, ku Barça ka nëntë fitore rresht në të gjitha garat, ndërsa Real Madrid ka regjistruar pesë sosh.
Barça arriti në finale të Superkupës pas fitores 5:0 ndaj Athletic Bilbaos në gjysmëfinles kurse Real Madridi mposhti 2:1 Atletico Madridin.
Ky do të jetë “El Clasico” i parë i vitit 2026, ndërsa i dyti i këtij sezoni pasi Reali triumfoi 2:1 ndaj Barçës në kuadër të La Ligas, në duelin e luajtur në stadiumin “Santiago Bernabeu”.
Në historinë e “El Clasicos”, janë luajtur gjithsej 262 ndeshje zyrtare: Real Madridi ka regjistruar 106 fitore, Barcelona 104, dhe 52 përballje kanë përfunduar baras.
Finalja e Superkupës së Spanjës starton nga ora 20:00.
