Eksperti i çështjeve ndërkombëtare, Ilir Kulla, në emisionin “Matrix” në Tëvë1 me moderimin e Mehmeti Kalisi, ka diskutuar për situatën aktuale në Izrael dhe ndikimin e saj në rajon. Ai ka theksuar se tensionet mund të përshkallëzohen çdo moment.
“Çështja është se ne jemi në kohë reale dhe duhet të flasim për temat që janë aktuale, sepse kjo është një temë e ditës dhe, aq më tepër, që jemi në një udhëkryq ku nga ora në orë mund të kemi rikthimin e një lufte në stilin e 28 shkurtit, që filloi kundër Iranit. Tani është koha që të flasim për Izraelin,” ka thënë Kulla.
Ai ka komentuar edhe për propozimet e presidentit amerikan, Donald Trump, për paqe ndaj Iranit:
“Sigurisht që pas asaj që ndodhi vitin e kaluar dhe sivjet, qëndrimet nuk janë afruar, por janë larguar edhe më shumë. Pasqyrë e kësaj është fakti se para 28 shkurtit kanali Hormuzi mund të kalonte lirshëm, e tash nuk mund të kalosh më,” ka shtuar eksperti.
Në lidhje me marrëdhëniet e Izraelit me Palestinën dhe vendet arabe, Kulla ka deklaruar:
“E ardhmja e shtetit nuk gjendet në një paqe afatgjatë, sepse brezat e ardhshëm janë të kërcënuar me zhdukje të Izraelit, pavarsisht fuqisë ushtarake të sotme. Historia e Izraelit ka treguar se duhet të ketë paqe me shtetet fqinje.”
Kulla ka paralajmëruar se situata në Izrael dhe rajon mund të mbetet e paqëndrueshme dhe se zhvillimet mund të ndodhin nga dita në ditë.
