25 vjet pas luftës, Ekrem Bajroviqin e zënë krimet që kishte kryer gjatë kohës së luftës në Kosovë.
Ai sot u dënua me 12 vjet burgim.
Prokuroria e ngarkonte Bajroviqin se gjatë vitit 1999, kishte kryer krime kundër popullatës civile në komunën e Istogut dhe fshatrave përreth.
Shpalljen e aktgjykimit e dëgjuan edhe familjarët e viktimave. Ata kërkuan drejtësi për vite të tëra dhe nuk munguan nëpër seanca.
Përveç për pjesëmarrje në vrasje, ish-polici Bajroviq u dënua sepse kishte keqtrajtuar dhe torturuar civilët shqiptar.
Por më këtë vendim nuk u ndanë të kënaqur viktimat dhe familjarët e tyre.
Derisa avokati Millosh Deleviqka, insistoi se klienti i tij është i pafajshëm.
“Besojmë se EkremBajorviq nuk është fajtor dhe se nuk ka asnjë provë të vetme se ai ka marrë pjesë në vrasjet e civilëve as edhe një dëshmitar nuk e ka deklaruar këtë, përkundrazi kanë deklaruar se ai ka marrë pjesë në shpëtimin e civilëve”, tha Deleviqka.
Por me këtë deklaratë të avokatit, nuk u pajtua njëri prej viktimave.
Gjatë javës, për krime lufte, u dënua edhe Muhamet Alidemaj me 15 vjet burgim.
