Një qytetar në Gjakovë është arrestuar dhe dërguar në mbajtje pasi ka ushtruar dhunë ndaj gruas së tij, derisa përmes telefonit e ka kërcënuar edhe vëllain e bashkëshortes, raporton teve1.info
Sipas raportit të Policisë së Kosovës, viktima ka pranuar tretman mjekësor derisa rasti po hetohet.
“Rr. Lekë Dukagjini, Gjakovë Është arrestuar i dyshuari mashkull kosovar pasi ka kryer veprën e lartcekur ndaj viktimës kosovare -bashkëshortes së tij, ndërsa përmes telefonit e kishte kanosur me jetë viktimën mashkull kosovar-vëllain e bashkëshortes së tij. Viktima-bashkëshortja ka pranuar tretman mjekësor, ndërsa vëllai i saj ka refuzuar. Me vendim të prokurorit, i dyshuari pas intervistimit është dërguar në mbajtje. Rasti duke u hetuar”, thuhet në njoftim.
