Policia ka arrestuar pasditen e djeshme një person në Pejë, nën dyshimin për dhunë në familje.
I njëjti dyshohet se fillimisht ka ofenduar e pastaj sulmuar me shishe birre babanë e tij.
I dyshuari është dërguar në mbajtje.
“Është arrestuar me 17.07.2023 i dyshuari kosovar, pasi që me datën e cekur dyshohet se kishte ofenduar dhe sulmuar duke e gjuajtur me shishe (birre) viktimën mashkull kosovar –babanë e tij. Me vendim të prokurorit, i dyshuari pas intervistimit është dërguar në mbajtje”, thuhet në njoftimin e PK-së.
