Ekipet emergjente arritën të shpëtojnë 30 persona, nga 90 sa ishin të strehuar në këtë shkollë.
“Me shumë gjasa, të 60 njerëzit që mbeten nën rrënoja tani janë të vdekur,” shkroi guvernatori Serhiy Haidai në aplikacionin e mesazheve Telegram. Granatimet ruse vranë gjithashtu dy djem, 11 dhe 14 vjeç, në qytetin e afërt të Pryvillia, tha ai, raporton AP.
Ndërsa Moska përgatitej të festonte dorëzimin e Gjermanisë naziste në vitin 1945 me një paradë ushtarake të Ditës së Fitores të hënën, një grup liderësh perëndimorë dhe të famshëm bënë vizita të befasishme në Ukrainë në shenjë mbështetjeje.
Zonja e parë e SHBA-së Jill Biden u takua me homologun e saj ukrainas.
Kryeministri kanadez Justin Trudeau ngriti flamurin e vendit të tij në ambasadën e tij në Kiev. /teve1.info/
