Në magjistralen Kaçanik-Hani i Elezit, ka ndodhur një aksident trafiku ku janë përfshirë dy kamionë të tonazhit të rëndë.
Lajmi konfirmohet nga zëdhënësi i policisë për rajonin e Ferizajt, Kanun Veseli.
Ky i fundit theksoi se si pasojë e aksidentit, dy persona kanë kërkuar ndihmë mjekësore.
‘’Ju njoftojmë se sot, më 12.09.2026, rreth orës 14:54, në magjistralen Kaçanik–Hani i Elezit, ka ndodhur një aksident trafiku, ku janë përfshirë dy kamionë të tonazhit të rëndë, me targa vendore. Si pasojë e aksidentit janë shkaktuar dëme materiale në automjete, ndërsa dy persona kanë kërkuar ndihmë mjekësore. Njësitet relevante policore kanë dalë në vendin e ngjarjes dhe janë duke u marrë me rastin, ndërsa rrethanat dhe shkaqet e aksidentit janë duke u hetuar’’, deklaroi Kanun Veseli.
