Një dron i rrëzuar në Lituani mbrëmë nga avionët e NATO-s mbante një pajisje shpërthyese, tha ministri lituanez i mbrojtjes Robertas Kaunas, raporton Guardian.
Ai tha se gjatë një kontrolli në vendin e rrëzimit, “ u zbulua një pajisje shpërthyese dhe më pas u neutralizua nga ekspertët e çmontimit të bombave”.
Kaunas falënderoi gjithashtu pilotët e avionëve luftarakë italianë për ndërmarrjen e “veprimeve vendimtare” për të rrëzuar dronin.
Ndërkohë, ushtria lituaneze theksoi se incidenti tregoi se sistemet e saj funksionuan siç ishte menduar.
Droni u rrëzua nga avionë luftarakë italianë që vepronin si pjesë e një misioni të NATO-s, me ministrin italian të mbrojtjes që tha se “me shumë mundësi” ka rënë nga Rusia.
