Drita bëhet skuadra e parë që ka kaluar në 1/8 e finales të Kupës së Kosovës në futboll.
Të martën, në Gjilan, Drita triumfoi 3:0 në ndeshjen kundër Rahovecit, ekip që e eliminoi në 1/16 e finales të kësaj gare.
Ensar Huruglica, Veton Tusha dhe Arb Manaj shënuan golat për fitoren bindëse të Dritës dhe avancimin e ekipit gjilanas tutje në Kupën e Kosovës.
Ndeshja Rahoveci – Drita, ishte e vetmja që u zhvillua të martën në kuadër të raundit të parë të Kupës së Kosovës pasi 15-të ndeshjet tjera të 1/16 së finales, do të luhen të mërkurën prej orës 12:00.
Prej të gjitha ndeshjeve, më interesantet do të jenë Gjilani – Liria dhe Trepça ’89 – Suhareka, ndërsa Ballkani që është fitues i Kupës në fuqi, do të përballet me Rilindjen 1974.
