15:48 – Drita dhe Ballkani të barabartë në pjesën e parë
Drita e Ballkani po barazojnë 1:1 pas pjesës së parë të ndeshjes në Gjilan.
Ndeshja i takon xhiros së 33-të të elitës së futbollit kosovar. Kjo ndeshje vlerësohet vendimtare në garën për titull të kampionit. Meriton Korenica kaloi Ballkanin në epërsi 1:0 në minutën e 11-të.
Për 1:1 shënoi Muharrem Jashari në minutën e 43-të. Të dy golat u realizuan pas aksioneve të bukura.
14:03 – Drita – Ballkani, formacionet zyrtare
Drita dhe Ballkani do të përballen në duelin e katërt dhe më të rëndësishmin mes vete këtë edicion në Superligë.
Është një duel që mund të vlej për titullin e kampionit duke marrë parasysh situatën në tabelë. Bardhekaltërtit janë të parët në renditje me 66 pikë, tre më shumë se Ballkani që zë vendin e dytë kur kanë mbetur edhe katër ndeshje deri në fund të këtij sezoni.
Si vendasit ashtu edhe mysafirët kërkojnë fitoren, me Dritën që një tre pikësh do t’i afronte shumë te titulli. Ndërkohë suharekasit nuk kanë se çfarë të humbasin dhe vetëm fitorja i mbanë gjallë në garë për titullin.
Drita: Smakiqi, B. Krasniqi, Limani, Vitija, Blakçori, Broja, Namani, Jashari, Selmani, Baftiu, Ovouka.
Ballkani: Frashëri, Ar. Thaqi, Dellova, Jashanica, Trashi, Korenica, Kuc,Zyba, Gripshi, Rrahmani, Berisha
