Sylejmani në një lidhje direkte në Tëvë1, ka thënë se pas trajtimit mjekësor nxënësit dhe mësimdhënësit janë liruar për në shtëpi.
“Sot ka ndodhur një dyshim për helmim për disa nxënës që kanë qenë në vizitë në komunën e Mitrovicës. Sipas informatave të fundit sipas trajtimit mjekësor janë liruar për në shtëpi dhe për momentin nuk kemi asnjë të hospitalizuar në spitalin regjional të Mitrovicës”, tha ai.
Po ashtu, Sylejmani tregoi edhe për simptomat që patën ata.
“Dyshimet janë se simptomat kanë qenë të vjella, të përziera, dhimbje në lukth dhe plogështi e cila tregon se dyshimet kanë qenë si pasojë e konsumimit të ushqimit që dyshohet se ka qenë helmim”, ka thënë ai.
Sipas tij, dyshohet se nxënësit u helmuan në njërën prej restorantit në periferi të Mitrovicës.
“Në njërën prej restoranteve në periferi të Mitrovicës. Instituti Kombëtar është duke i marrë masat dhe me siguri në ditët ne vijim do të dalin me një kumtim se cila ka qenë arsyeja e vërtet e këtij helmimi”, tha Sylejmani. /teve1.info/
