Organizata “Linja e Jetës” ka dorëzuar të martën në Kuvendin e Kosovës peticionin për projektligjin për parandalimin e vetëvrasjes.
Me anë të këtij peticioni, kërkohet nga Kuvendi të hartohet një Ligj, i cili duhet të përfshijë shërbime klinike për parandalimin e vetëvrasjes, integrim të parandalimit të vetëvrasjes në objektiva institucionale, mekanizma të ngritjes së profesionalizmit të mediave gjatë raportimit të vetëvrasjes, shërbime dhe mbështetje sociale për persona me mendime të vetëvrasjes, mekanizma për reduktimin e qasjes ne mjete vetëlënduese, programe specifike për komunitete joshumicë dhe mekanizma për mbledhjen e të dhënave të vetëvrasjes.
Ky peticion, u dorëzua me 13 mijë e 361 nënshkrime të mbledhura.
Përfaqësuesit e kësaj Organizate e kanë quajtur arritje të jashtëzakonshme procesin e hartimit të politikave që kanë qëllim reduktimin e vetëvrasjes.
Sipas tyre, statistikat e Policisë së Kosovës lidhur me rast e vetëvrasjeve nuk janë të besueshme, ngase nuk ka mekanizëm që i monitoron.
