Donjeta Sadiku do të ngjitet sot në ring në Kampionatin Evropian të boksit “Sofia 2026”, në një duel vendimtar për sigurimin e medaljes.
Kampionia mesdhetare e Kosovës do të boksojë në kategorinë deri në 60 kilogramë, ndërsa në çerekfinale do të përballet me holandezen Maund van der Toorn.
Dueli është caktuar të zhvillohet nga ora 13:30, në ringun “B”, në Sofje të Bullgarisë.
Sadiku synon fitoren ndaj boksieres holandeze, e cila do t’i siguronte asaj kualifikimin në gjysmëfinale dhe njëkohësisht medaljen në këtë Kampionat Evropian.
Selektorja e Kosovës, Marjola Sallauka, shpreson që Sadiku ta kalojë me sukses edhe këtë sfidë dhe të vazhdojë rrugëtimin drejt medaljes.
Kampionati Evropian “Sofia 2026” po zhvillohet nga 15 deri më 26 shtator në Bullgari.
KosovaPress
