Demokracia në Veprim ka publikuar të dhënat nga procesi zgjedhor që nga hapja e vendvotimeve deri në orën 12:00
Sipas DnV-së, ndonëse procesi është i qetë janë evidentuar disa parregullsi.
Eugen Cakolli nga DnV ka thënë se vëzhguesit e tyre kanë vërejtur 12 raste të fotografimit të votës në 10 vendvotime në nivel vendi.
Ai po ashtu ka thënë se fenomeni i votës me asistencë të paregjistruar është shprehur më shumë në Prizren.
Poashtu sipas të gjeturave të DnV-së në 14% në nivel vendi është lejuar votimi me dokumente të skaduara, që sipas tij një gjë e tillë është e ndaluar
“Fenomeni i votimit me asistencë të paregjistruar është më i shprehur në rajonin e Prizrenit ku kemi të bëjmë prej gati dyfish më shumë raste të tillë sesa në rajonet e tjera.Votuesit e DnV kanë raportuar se në 14% në nivel vendi ka pasur raste të izoluara, janë lejuar të votojnë me dokumentet të skaduar, edhe në këtë rajon rastet më të shpeshta janë në Prizren. 12 raste të fotografimit të votës në 10 vendvotime. Ky trend është përafërsisht i njëjtë me zgjedhjet e 28 dhjetorit”, ka thënë Cakolli.
