Jean-Noel Barrot, diplomati më i lartë i Francës, ka thënë se një sistem shpërndarjeje ndihmash i mbështetur nga SHBA-të dhe Izraeli në Gaza kishte gjeneruar një “gjakderdhje” dhe duhej të ndërpriste aktivitetin.
“Dua të bëj thirrje për ndërprerjen e aktiviteteve të Fondacionit Humanitar të Gazës, shpërndarjes së militarizuar të ndihmës humanitare që ka gjeneruar një masakër në linjat e shpërndarjes në Gaza, gjë që është një skandal, e turpshme dhe duhet të ndalet”, u ka thënë Barrot gazetarëve pas takimit me homologun e tij qipriot në Nikosia.
Së fundmi, një ish-kontraktor amerikan foli në media për krimet që kishte parë në këto qendra, duke akuzuar forcat izraelite dhe mercenarët amerikanë për vrasje të qëllimshme të civilëve në pikat e ndihmës.
Më shumë se 1,000 palestinezë janë vrarë ndërsa përpiqeshin të merrnin ndihma nga vendet e militarizuara të shpërndarjes, të drejtuara nga Fondacioni Humanitar i Gazës (GHF), një organizatë e mbështetur nga Shtetet e Bashkuara dhe Izraeli./teve1/
