Sipas studimeve të shumta, është dalë në përfundimin se në sipërfaqen e celularëve që përdorim gjatë ditës, ndodhen rreth 80% e baktereve më të zakonshme të njeriut.
Dëgjo këtë artikull tani…
Dhjetë bakteret që jetojnë në telefonat tonë mobil
Telefonat tanë mobilë janë ndër objektet më të ndotura që prekim çdo ditë, dhe mbajnë shumë lloje bakteresh për shkak të kontaktit të vazhdueshëm me duart, fytyrën dhe mjedisin përreth.
Disa madje thonë se ato janë edhe më të ndotura me bakteret edhe sesa kapaku i WC-ve, ndërkohë që atë e prekim mesatarisht 150 herë në ditë.
Bakteret grumbullohen në telefonat mobilë sepse ato krijojnë një mjedis ideal për zhvillimin e mikrobeve, për disa arsye kryesore:
Kontakti i shpeshtë me duart – Duart tona prekin shumë sipërfaqe gjatë ditës dhe mbledhin mikrobe që më pas kalojnë në telefon.
Nxehtësia e telefonit – Pajisjet ngrohen gjatë përdorimit, dhe nxehtësia favorizon shumimin e baktereve.
Përdorimi në mjedise të ndotura – Shumë njerëz e përdorin telefonin në tualet, në transport publik apo gjatë ngrënies, ku ka prani të lartë të mikrobeve.
Pastrimi i rrallë – Telefonat nuk pastrohen rregullisht, kështu që bakteret mbeten dhe shumohen.
Sipërfaqja e butonave dhe çarjeve – Disa telefona kanë hapësira ku pluhuri dhe mikrobet mund të qëndrojnë dhe të mos largohen lehtë.
Në thelb, telefoni shndërrohet në një “strehë” për mikrobet, për shkak të përdorimit të vazhdueshëm dhe mungesës së higjienës.
