“Gjendja e rëndë socio-ekonomike çon deri tek braktisja e shkollimit, kurse braktisja e shkollimit në të shumtën e rasteve çon deri tek martesa e hershme, sidomos të vajzave, vajzave të vogla, vajzave minorene. Pastaj janë fenomene të tjera të ndryshme, p.sh dhuna në familje në shumë raste, vajzat me dëshirën me u largu nga ambienti abuziv, zgjedhin martesën me shpresë se do ta gjejnë një ambient më të mirë dhe një jetë më të mirë. Në të shumtën e rasteve edhe prindërit i bindin vajzat me i martu, nga gjendja e rëndë ekonomike, me shpresë që vajza e tyre, do të them kushtimisht, do të rahatohet në një familje tjetër ,e cila ndoshta ka kushte më të mira ekonomike sesa familja e vajzës”, ka thënë Devolli.
Ajo ka theksuar edhe mentalitetin që e ka hasur në lidhje me martesat e hershme. Sipas saj, gjatë bisedave me shumë familjarë, e kanë parë mendësinë e prindërve se vajzat duhet të martohen të reja.
“Kishte shumë kundërshtime, sidomos nga të vjetrit, bile-bile më shumë nga gratë në moshë, të cilat thoshin se vajzat duhet të martohen sa më të rej, gjithmonë jemi martu kështu. Pastaj kishte mendime të tjera ku p.sh thoshin nuk kishim pas dëshirë me i martu, mirë e keni ju, po krejt lagjja te na kështu martohen… nëse mbetet vazja jonë ka me qenë keq, do të thotë ajo frika nga stigmatizimi mbet pa u martu”, është shprehur ajo.
Për më shumë ndiqeni emisioni “De Jure”, në Tëvë1 dhe “Betimi për Drejtësi”, për hulumtimin mbi “Martesat mes të miturve”./Tëvë1/
