Abdyl Sylejmani, dëshmitar i këtij rasti ka rrëfyer për Tëvë 1 rrjedhën e ngjarjes ku ky dron ra në këtë lagje.
Ai thotë se momentin kur ka rënë në tokë, droni ka pasur një zhurmë të madhe – për çka thekson se ka “ngjallur frikë dhe shqetësim të banorët e këtushëm”.
“Realisht unë kam qenë duke punuar në lokalin tim droni kur ka ardhë këtu ka pasur një zhurmë të madhe dhe momentin që kam ndij zhurmën kemi dalë dhe kojshitë që janë këtu dhe kemi ardhë drejtë këtu dhe kemi parë që droni ka goditur ballkonin e shtëpisë momentin që e ka godit aty e kemi kapur, atë moment e ka pasur edhe një zhurmë por pak qenë njërin krahë të droni ka qenë i thyer dhe momentin kur ika rënë e ka pasur një bateri dhe është shkyç ka pasur parashutë por kur kemi parë që është një lloj tjetër kemi lajmëruar Policinë janë marr me rastin”, tregoi ai.
Sipas tij, ky lloj droni nuk ka pasur ndonjë flamur apo shenjë që do të mund të identifikohej se prej nga ka ardhur.
“Ka pasur disa shenja vetëm numra por jo ndonjë flamur ose dicka me identifiku. Për fat të mirë nuk ka pasur banorë, dëme materiale dhe njerëzore nuk ka pasur por panik ka pasur sepse ka pasur një zhurmë trishtuese por ska pasë dëme në njerëz sepse ka qenë shpejtësi e madhe”, rrëfeu Sylejmani.
Ndryshe, KFOR ka konfirmuar se droni i cili është gjetur në Mitrovicë u poërket atyre dhe se arsyeja për këtë ishte defekt në funksionim.
KFOR tha se droni po kryente një mision rutinë monitorimi në kuadër të aktiviteteve të KFOR-it që kanë për synim krijimin e një mjedis të sigurt./teve1.info/