Në emisionin “Info Nata” me Ardi Visoka, Kryeziu bëri të ditur se Kurtit në ShBA, do të vazhdojë edhe gjatë kësaj jave dhe se do të ketë takime të tjera, të cilat i quajti me rëndësi për vendin tonë.
“Kryeministri do ta vazhdojë vizitën e tij edhe gjatë kësaj jave. Kjo vizitë e ka tejkaluar formatin e vizitave që rëndom kanë bërë përfaqësues të lartë të shtetit tonë në Shtetet e Bashkuara të Amerikës”, tha Kryeziu, i cili shtoi se asnjë lider i Kosovë më herët nuk ka arritur që të realizojë kaq shumë takime me akterë të ndryshëm amerikanë.
Kryeziu shtoi se qëllimi i vizitës së Kurtit në Amerikë, nuk ka të bëjë vetëm me karakter ekonomik, por edhe me atë të thellimit të marrëdhënieve mes Kosovës dhe ShBA-së.
Zëdhënësi qeveritar u është përgjigjur edhe akuzave nga opozita, duke thënë se kanë qenë vetë ata (opozita), që dikur thonin se Albin Kurti nuk do të mund të shkojë asnjëherë në ShBA.
Për detaje të tjera ndiqeni intervistën e plotë:
