Me anë të një postimi në rrjetin social Twitter, Goncharenko akuzoi Rusinë, Putinin dhe “aleatët” e tyre (referuar Serbisë) se janë shkaktar i konflikteve dhe luftërave.
“Realiteti në të cilin jeton e gjithë Ukraina për 5 muaj erdhi në Kosovë. Ne e dimë se si është të jetosh kështu. Ne donim që bota të ndalonte luftërat, e jo t’i fillonte ato. Bota më në fund duhet të kuptojë se Rusia, Putini dhe të gjithë “aleatët” e tyre janë shkaku i konflikteve dhe luftërave”, shkroi Goncharenko.
Deputeti ukrainas tha gjithashtu se Serbia po përpiqet të nisë një luftë agresive, sipas metodës së Putinit. Ai shtoi se nëse Beogradi sulmon Kosovën, ukrainasit duhet t’i mbrojnë kosovarët.
“Nëse Serbia pushton Kosovën, ne duhet të mbrojmë kosovarët. Ukraina është gati të veprojë me trupat tona në terren. Serbia po përpiqet të nisë një luftë agresive. Pikërisht sipas metodës së Putinit. Siç thashë, Serbia është kali trojan i Putinit në Evropë. Lufta kudo në botë është e tmerrshme”, thuhet në një tjetër postim të deputetit ukrainas.
Tensionet në pjesën veriore të Mitrovicës erdhën një ditë para se të hyjë në fuqi masa reciproke e autoriteteve kosovare ndaj letërnjoftimeve dhe targave të lëshuara nga Serbia.
If Serbia invades #Kosovo, we should defend the Kosovars. 🇺🇦 is ready to act with our troops on the ground. 🇷🇸 is trying to start an aggressive war. Precisely according to Putin’s method. As I said, #Serbia is Putin’s Trojan horse in Europe. War anywhere in the world is terrible.
— Oleksiy Goncharenko (@GoncharenkoUa) July 31, 2022
