Deputeti i Lidhjes Demokratike të Kosovës, Ermal Sadiku, ka thënë se pas aktgjykimit të sotëm të Dhomave të Specializuara do t’i mblidhte, sonte, të gjithë deputetët shqiptarë te parlamentit të Republikës për ta zgjedhur Hashim Thaçin president të vendit.
Ai deklaroi se Thaçi do të votohej me 100 vota, si përgjigje ndaj Gjykatës Speciale dhe Serbisë.
“Sonte isha mbledhë me krejt deputetët shqiptarë dhe e kishim votu Hashim Thaçin për President të Republikës. 100 vota. Me ia tregu edhe Gjykatës Speciale, edhe Serbisë, në emër të kujt po marrin vendime”, shkroi Sadiku në Facebook.
