Shpërthimet u vëren në Detin Baltik përpara se të zbuloheshin rrjedhje të pazakonta në dy tubacione të gazit natyror që kalonin nën ujë nga Rusia në Gjermani.
Kryeministrja në detyrë e Suedisë, Magdalena Andersson tha se mundë të jetë një rast sabotimi, por jo një sulm në territorin suedez apo danez.
“Ne nuk përjashtojmë asnjë skenar dhe nuk do të spekulojmë për motive apo aktorë. Ajo që mund të konstatojmë është se bëhet fjalë për sabotim të mundshëm. Situata e sigurisë në afërsinë tonë të afërt dhe globalisht është aktualisht shumë e pasigurt dhe e paparashikueshme. Tani, është e rëndësishme që BE dhe NATO të vazhdojnë të qëndrojnë të bashkuar”, tha Andersson.
Gjatë një konference për shtyp sekretari amerikan i shtetit theksoi se zyrtarët amerikanë nuk kanë konfirmuar sabotim apo sulm, pas rrjedhjes së tubacionit të gazit rus.
“Rrjedhjet janë nën hetim. Raportet e tyre fillestare që tregojnë se ky mund të jetë rezultat i një sulmi ose një lloj sabotimi. Por këto janë raporte fillestare dhe ne nuk e kemi konfirmuar ende këtë. Ka një mundësi shumë të rëndësishme për t’i dhënë fund përfundimisht varësisë së Evropës nga energjia ruse, pra të qenit në pritje të armatizimit të energjisë nga Rusia”, tha sekretari amerikan i shtetit, Antony Blinken.
Tubacionet Nord Stream kanë qenë në qendër të një përplasjeje energjetike midis Evropës dhe Rusisë që nga pushtimi i Ukrainës në fund të shkurtit.
Liderët perëndimorë akuzojnë Rusinë se po saboton këtë linjë për të nxitur një krizë energjetike në Evropë para dimrit.
Rënia e furnizimeve me gaz rus ka shkaktuar rritje të çmimeve, duke u bërë presion qeverive që të ndihmojnë në lehtësimin e krizës në Evropë.
