Mbrojtësi Lumbardh Dellova, do ta vazhdojë karrierën në Ukrainë, te skuadra e Dynamo Kievit.
Bëhet e ditur se CSKA Sofja parimisht ka arritur marrëveshje me Dynamon për shitjen e Dellovës, i cili më herët është pajtuar me kushtet e ofruara nga klubi ukrainas.
Dynamo pritet të paguajë një milion euro për Dellovën, të cilin do ta zyrtarizojë brenda këtij muaji.
Te CSKA Sofja kanë marrë vendim për shitjen e Dellovës, duke pasur parasysh se futbollisti nuk ka pranuar rinovimin e kontratës që i skadon vitin e ardhshëm me klubin bullgar.
Dellova 27-vjeçar është pjesë e CSKA Sofjes prej verës së vitit 2024 kur iu bashkua nga Ballkani dhe me fanellën e ekipit nga Bullgaria ka fituar një kupë.
Në sezonin e fundit, mbrojtësi i Kosovës, ka regjistruar 33 paraqitje në të gjitha garat për CSKA Sofjen, ku ka shënuar edhe 2 gola.
