Deliu ka theksuar se deri më tani nuk ka asnjë vendim nga Qeveria Kurti për gjendjen emergjente, pas vërshimeve, transmeton teve1.info
“Vëshimet nxorrën në pah injorimin e Albin Kurtit ndaj qytetarëve të Kosovës. Vëshimet në Skenderaj, Mitrovicë, Istog dhe Klinë kanë nxjerr në pah injormin e pashpjegueshëm që kryeministri Kurti ka për komunat që nuk i kontrollon vet! Asnjë vendim në mbledhjen e fundit të Qeverisë Kurti për gjendjen emergjente, pas vëshimeve”, ka shkruar Deliu në Facebook.
Sipas Deliut, të vetmit që janë duke ndihmuar janë komunat, shtetet mike, qytetarët e vullnetit të mirë, OJQ-të dhe biznesmenët.
“Të vetmit që janë duke ndihmuar janë komunat, shtetet mike te Kosovës, biznesmen, qytetarë të vullnetit të mirë dhe OJQ-të.. Por, solidariteti i njerëzve këtu në Drenicë dhe qytete tjera të prekura nga vëshimet është i madh, vullneti për të rimekëmbur shtëpitë është i pathyeshëm”, ka shkruar ajo.
Deputetja e PDK-së, ka ftuar Qeverinë e Kosovës që të ndajë fonde për intervenim emergjent në komunat që janë prekur nga vërshimet.
