Është deklaruar i pafajshëm në seancën gjyqësore, serbi Dragisha Milenkoviq, i akuzuar për “krime të luftës kundër popullatës civile”, raporton teve1.info
Në seancën që po mbahet në Gjykatën Themelore në Prishtinë, Milenkoviq është deklaruar i pafajshëm për veprat për krime lufte, kurse e ka pranuar akuzën për armëmbajtje pa leje.
Milenkoviq pritet që të përballet me dëshmitarët të cilët janë ftuar të dëshmojnë për vuajtjet dhe torturat që i kishin përjetuar në atë kohë.
Në thirrjen për shqyrtim, një prej dëshmitarëve në këtë seancë është edhe qytetari nga Suhareka, Arsim Zyba, i cili do të japë dëshminë e tij gjatë kohës kur ishte i burgosur në burgun e Dubravës.
I akuzuari Milenkoviq është në paraburgim në Burgun e Sigurisë së Lartë në Podujevë.
