Sulmuesi i ri i Juventusit, Jonathan David ka premtuar të paktën 25 gola në sezonin 2025/26 në Serie A.
David në prezantimin e tij të mërkurën, ka insistuar se ndihet krenar që është pjesë e një ekipi me nam si Juventusi.
Kanadezi shtoi se kishte shumë oferta, por zgjodhi Juventusin për shkak se është klub me ambicie të mëdha.
25-vjeçari iu bashkua Juventusit këtë verë si lojtar i lirë pasi i skadoi kontrata me Lillen, ekip për të cilin luajti pesë sezone.
Ai te Juventusi do ta bartë fanellën me numrin 30 dhe ka kontratë valide deri në vitin 2030.
