Sulmuesi Darwin Nunez është i gatshëm të largohet nga skuadra e Liverpoolit gjatë kësaj vere. Bëhet e ditur se Nunez ka njoftuar Liverpoolin për këtë vendim, pasi është i gatshëm t’i bashkohet skuadrës së Barcelonës. Mësohet se Barcelona ka kontaktuar me agjentin e sulmuesit uruguaian, i cili po dëshiron që karrierën ta vazhdoj te skuadra spanjolle.
Barça po e sheh Nunezin si zëvendësim ideal për polakun Robert Lewandowski, të cilin e ka nxjerr në shitje.
Për kartonin e Lewandowskit, Barça po kërkon të paktën 30 milionë euro.
Ndërkohë, kartoni i Nunezit vlerësohet rreth 70 milionë euro dhe 24-vjeçari ka kontratë me ekipin anglez deri në vitin 2028. Këtë edicion, Nunez ka shënuar 18 gola dhe ka bërë 13 asistime për Liverpoolin, ekip të cilit iu bashkua në vitin 2022 nga Benfica.
