Darwin Nunez është dënuar me pesë ndeshje moslojë për Përfaqësuesen e Uruguait, pas përleshjes që e pati me tifozë.
Ai ishte përleshur me tifozë kolumbianë, pasi Uruguai u mposht nga Kolumbia, në gjysmëfinale të Kupës së Amerikës në muajin korrik.
25-vjeçari po ashtu është gjobitur me afro 18 mijë euro.
Organi drejtues i futbollit në Amerikën e Jugut ka shkruar të mërkurën se pesë lojtarë janë dënuar, e në mesin e tyre është edhe Nunez.
11-të lojtarë të tjerë janë gjobitur për shkak të pjesëmarrjes në këtë përleshje.
Dënim me katër ndeshje moslojë ka marrë edhe mesfushori i Tottenhamit, 27-vjeçari Rodrigo Bentancur.
Mbrojtësit e Napolit, Barcelonës dhe Atletico Madridit, Mathias Olivera, Ronald Araujo dhe Jose Maria Gimenez, kanë marrë dënim me tri ndeshje moslojë.
