Kombëtarja e Kosovës ka zhvilluar në orët e paradites stërvitjen e fundit para ndeshjes së sotme kundër Irlandës, në kuadër të Grupit B3 të Ligës së Kombeve.
Në këtë seancë, e cila ishte pa ngarkesë fizike, përzgjedhësi Franco Foda ka dhënë udhëzimet e fundit taktike për duelin e sotëm.
Dardanët janë pjesë e Ligës B të Ligës së Kombeve për herë të parë.
Ndeshja mes Kosovës dhe Irlandës, luhet sonte në “Fadil Vokrri” nga ora 20:45 në kuadër të Ligës së Kombeve
Mbrojtësi Leard Sadriu dhe mesfushorët Vesel Demaku, Lindon Emërllahu e Meriton Korenica do ta ndjekin nga tribuna.
Trajneri Franco Foda e ka dorëzuar në UEFA listën me 23 lojtarët që do të jenë pjesë e ekipit për ndeshjen me Irlandën.
Katërshja nuk janë përfshirë në listë.
Kosova do t’i luajë edhe tri ndeshje të tjera brenda dy javëve. Të dielën udhëton në Austri, të enjten e ardhshme përballet me Izraelin teksa të dielën tjetër e pret Austrinë.
