Analisti politik, Fatmir Çollaku, beson se ende ka hapësirë që të shmangen zgjedhjet e reja në Kosovë.
“Partitë politike mund të ndihmojnë dhe kontribuojnë. Edhe PDK edhe Aleanca është mirë që të qëndrojnë në sallë në mënyrë që vendi ynë mos të shkojë sërish në zgjedhje. Partitë mund të mos votojnë, por është mirë që ta bëjnë kuorumin. Ky do të ishte kontribut pasiv”, ka deklaruar Fatmir Çollaku në emisionin “Ditari” në Tëvë1.
Ai vlerëson se një kontribut i tillë do të ishte në të mirë të të gjithë vendit.
“Do të ishte kontribut nacional nëse qëndrohet në sallë për çështjen e presidentit”, potencoi ai.
Ndryshe, më 9 shtator është thirrur seanca për vazhdimin e konstituimit të Kuvendit të Kosovës nga kryesuesi Avni Dehari.
