Kristjan Asllani po vazhdon me paraqitje në Botërorin e Klubeve.
Skuadra e tij, Interi, mbrëmë e mposhti skuadrën e River Plate me rezultatin 2-0.
Kristjan Asllani ka luajtur titullar me Interin në tri ndeshjet e para të grupit në Botërorin e Klubeve,
për shkak të dëmtimit të mesfushorit Hakan Çalhanoglu.
Mesfushori nga Turqia ka pësuar një problem të ri muskulor në pulpën e djathtë, i cili është dëmtimi i gjashtë gjatë sezonit të shkuar.
Për 23-vjeçarin, në fillim të merkatos nuk ishte e qartë e ardhmja e tij, por duke parë minutat që po merr, duket se ai do të mbetet pjesë e Interit.
Ai ka kontratë me zikaltrit deri në vitin 2028, ndërsa është pjesë e skuadrës që nga viti 2023.
Futbollisti i Kombëtares së Shqipërisë tashmë ka një mundësi të artë me zikaltrit për të treguar vlerën e tij në mungesë të turkut.
