“Partia liberale egjiptiane e komunitetit egjiptian garanton të ardhme më të sigurt të egjiptianëve në Kosovë. Ne do të vazhdojmë me të njëjtin përkushtim që të shërbejmë qytetarëve”
Këto janë disa nga premtimet që po u bëhen qytetarëve nga komunitetet pakicë.
E premtim për një vend pune mori edhe Vedat Gashi, banor i fshatit Plemetin në Obiliq, fshat ky i banuar me qytetarë nga komunitetet rom, ashkali dhe egjiptian.
“Na kanë premtuar vende pune, kanë thënë që në KEK kanë më na dërgu me punu, por sa është e vërtetë nuk po mundem me ditë”, thotë Gashi.
Por këta banorë kanë një hall.
“Ne skamnorët jemi që disa vite këtu, por askush nuk ka marrë. Ne jemi të vuajtur..Duhet me kanë sikur për krejt edhe për neve, edhe ne kemi drejtësitë e tona po i kërkojmë”, shprehet Nevrie Berisha.
E në Fushë Kosovë, qytetarët nga komuniteti RAE tregojnë se çfarë shohin të nevojshme të realizohet.
“Konkretisht janë disa rrugë të pa asfaltuara, do kabllo me i heq se janë shumë duke na penguar që 10 apo 12 vite janë kanë në pushtet e nuk kanë punuar hiç asgjë, veç kanë flejt”, thotë Naim Bajrami.
Fushata zgjedhore për zgjedhjet parlamentare të 9 shkurtit ka filluar më 11 janar.
