Skuadra që po synon rikthimin në elitën e futbollit turk, Bursaspor po synon transferimin e Bersant Celinës, kanë raportuar mediumet në Turqi.
Në fakt, mësohet se Bursaspori po vlerësohet favorit për shëbrimet e Celinës, i cili kohët e fundit ka pasur oferta edhe nga Arabia Saudite.
Thuhet se kontaktet mes palëve kanë nisur dhe deri më tani janë shumë pozitive, pasi edhe Celina është i gatshëm për ta ndihmuar Bursasporin që të rikthehet në Superligë.
Në sezonin 2026/27, Bursaspori do të luajë në kategorinë e dytë të Turqisë pasi në sezonin e fundit fitoi titullin e kampionit të kategorisë së tretë.
Te Bursaspori po e shohin Celinën si përforcim të duhur për sulmin dhe për këtë arsye pritet që marrëveshja të mbyllet së shpejti.
Celina muajin e ardhshëm do të jetë lojtar i lirë, pasi i skadon kontrata me AIK Stokholmin, ekip për të cilin ka luajtur prej janarit të vitit 2024.
29-vjeçari Celina ka luajtur për një periudhë në Turqi por te Kasimpasha, ndërsa karrierë ka bërë edhe në Francë, Angli e Holandë.
