Kandidati për kryetar të Prishtinës nga Lëvizja Vetëvendosje, Hajrulla Çeku, nga “Lagjja e Artistëve” në Ulpianë, ka premtuar mbështetje për këtë komunitet.
Çeku ka theksuar se artistët i ka mbështetur edhe sa ka qenë në krye të Ministrisë së Kulturës, ndërsa është zotuar se edhe nga 12 tetori do të kenë përkrahje edhe nga Komuna.
“Shumë nga nismat e tyre janë mbështetur nga Ministria e Kulturës, ndërsa prej 12 tetorit e në vazhdim do të kenë përkrahje edhe nga Komuna. Në kuadër të platformës “Prishtina 2035”, kemi paraparë dhjetëra masa të qarta për zhvillimin e artit dhe veprimtarive krijuese në qytet, nga hapësirat shumëpërdorimëshe komunitare në çdo lagje e fshat, deri te rezidencat vjetore për 30 artistë dhe fondi emergjent për përkrahjen e tyre shoqërore.”, ka shkruar Çeku në Facebook, pas një takimi që zhvilloi në lagjen Ulpiana.
