Në finalen e madhe të “Euro 2024” që luhet të dielën mbrëma në Berlin, do të përballen Spanja me Anglinë, ndeshje kjo që edhe do ta mbyll turneun që zgjati për një muaj në Gjermani.
Përballja e Spanjës dhe Anglisë pritet të jetë interesante, ndonëse spanjollët vlerësohen favorit bazuar në atë se çfarë kanë treguar deri më tani.
Spanja i ka fituar të gjitha gjashtë ndeshjet e luajtura në Evropian dhe po synon titullin e katërt derisa Anglia po e kërkon triumfin e parë në këtë turne.
Anglia nuk do të ketë mungesa për finale, ndërsa Spanja do të jetë më e kompletuar se në gjysmëfinale. Spanja në gjysmëfinale eliminoi Francën kurse Anglia ishte më e mirë se Holanda.
Për ndeshjen finale, Spanjës i rikthehen mbrojtësit Dani Carvajal dhe Robin Le Normand, të cilët ishin të suspenduar ndaj Holandës.
Me rikthimin e tyre, Spanja do të ketë më shumë stabilitet në mbrojtje për ndeshjen më të rëndësishme të turneut, finalen e madhe që nis në orën 21:00.
