Kryeparlamentarja Albulena Haxhiu do të nisë ushtrimin e detyrës ushtruese së presidentes me homazhe në fshatin Rezallë të Skenderajt, në 27-vjetorin e Masakrës së kryer nga forcat ushtarake dhe policore serbe.
Sipas njoftimit të Presidencës, homazhet do të zhvillohen rreth orës 10:00.
Ky është njoftimi i parë publik i Presidencës me Haxhiun në rolin e ushtruese së detyrës së presidentes, pak orë pas përfundimit të mandatit të Vjosa Osmanit.
Masakra e Rezallës, më 5 prill 1999, shkaktoi vdekjen e 98 civilëve shqiptarë, pjesërisht burra dhe djem të rinj, të cilët u ekzekutuan pasi forcat serbe rrethuan shtëpitë e tyre. Nga kjo tragjedi mbijetuan vetëm tre meshkuj.
