Qytetarët e Ferizajt po përballen me ndërprerje dhe reduktime të energjisë elektrike si pasojë e daljes jashtë funksionit të transformatorit TR3 në Nënstacionin Ferizaj 1.
KOSTT njofton se ka ndërmarrë veprimet për të adresuar situatën dhe po punon për rikthimin e furnizimit në normalitet.
“Pas përfundimit të këtyre procedurave, do të ndërmerren me prioritet hapat e mëtejmë për stabilizimin e sistemit elektroenergjetik, ndërkohë që po bëhen përpjekje maksimale për rikthimin sa më të shpejtë të furnizimit në normalitet”, thuhet në njoftim.
KOSTT thekson se po bashkëpunon ngushtë me KEDS për menaxhimin sa më efikas të situatës dhe për të minimizuar ndikimet për konsumatorët.
