Të enjten, në zyrat e Federatës së Futbollit të Kosovës është tërhequr shorti për delegimin e zyrtarëve të ndeshjeve të xhiros së fundit të stinorit vjeshtor në Superligë.
Ndeshjet e kësaj xhiroje, me të cilën edhe përmbyllet viti 2024, do të luhen përgjatë tri ditëve, të premten, shtunën dhe të dielën.
Llapi – Dukagjini është dueli që luhet të premten dhe hap xhiron, ndërsa gjyqtar kryesor i këtij takimi do të jetë Burim Jahmurataj.
Jahmurataj do të asistohet nga Bujar Selimaj e Meriton Berisha, ndërsa gjyqtar i katërt do të jetë Vigan Ibërdemaj.
Dardan Çakës i është besuar ndeshja Prishtina – Malisheva, që luhet të shtunën, ku Granit Hyseni e Altin Zhegrova do të jenë asistentë derisa Bardh Ajeti është gjyqtari i katërt.
Të shtunën, luhet edhe ndeshja Ferizaj – Gjilani, në të cilën kryesori është Egzon Dakaj, që do të ndihmohet nga Arbnor Bullatovci e Drilon Rexhepi kurse Isak Ceroviku do të jetë gjyqtari i katërt.
Eridon Podvorica kryesor, Besnik Morina e Hekuran Osmani asistentë dhe Gramos Shala gjyqtar i katërt, janë zyrtarët e ndeshjes Drita – Feronikeli ’74, që luhet të dielën.
Ndërkohë, në duelin tjetër të së dielës, Suhareka – Ballkani, gjyqtar kryesor do të jetë Visar Kastrati që do të asistohet nga Fatmir Sekiraqa e Faton Jakupi, ndërsa gjyqtar i katërt është Alban Shala.
Të gjitha ndeshjet e kësaj xhiroje të elitës së futbollit kosovar startojnë në orën 13:00 dhe mund ti përcillni në platformën Telkos.
