Eugen Cakolli nga Instituti Demokratik i Kosovës, ka thënë se Qeveria aktuale ushtron të gjitha të drejtat kushtetuese deri në certifikimin e rezultateve nga zgjedhjet e 9 shkurtit.
Ai ka thënë se ministrat aktualë që kanë fituar mandatin e deputetit duhet të japin dorëheqje para certifikimit të rezultateve nga KQZ, dhe atëherë ekzekutivi kalon në “Qeveri në detyrë”.
“Mandati i Qeverisë lidhet drejtpërdrejt me mandatin e Kuvendit, i cili përfundon me certifikimin e rezultateve të zgjedhjeve, jo me përmbushjen e katër viteve nga konstituimi i Kuvendit (22 mars). Prandaj, Qeveria aktuale ushtron të gjitha kompetencat e saj kushtetuese deri në certifikimin e rezultateve nga KQZ-ja. Anëtarët e kabinetit qeveritar që janë zgjedhur deputetë duhet të japin dorëheqje para certifikimit të rezultateve. Vetëm atëherë, Qeveria kalon në statusin e “Qeverisë në detyrë” – derisa të zgjidhet Qeveria e re”, ka shkruar Cakolli.
Donika, Gërvalla, Xhelal Sveçla, Faton Peci, Albulena Haxhiu, Hekruan Murati, Hajrullah Çeku janë disa nga ministrat që nga votat e deritashme janë zgjedhur deputetë.
