Burim Habibaj me Opel Kadett është fitues i garës së dytë Drag Race. Shtegun me gjatësi prej 402 metrave, ai e kaloi për kohën 09:822 sekonda.
“Kam pritur fitore, por nuk jam i kënaqur me rezultatin, sepse kam pasur defekt në veturë. Edhe shtegu nuk ka qenë në gjendje shumë të mirë, por shpresoj që në gusht të ketë kushte më të mira dhe të arrij kohë më të shpejtë”, ka thënë Habibaj pas fitores, i cili në garën në Bullgari dhe Rumani ka pasur kohë prej 09:02 sekonda.
Rivalitet më i madh u tregua në Klasën 10 ku fituese doli garuesja nga Bullgaria, Vladimira Yordanova me kohën 10:081 sekonda.
