Me armë të gjatë dhe të shumtë në numër.
Policët e Kosovës ishin të pranishëm të premten në Gjykatën Themelore në Prishtinë, për t’u përkujdesur për sigurinë në shpalljen e aktgjykimit për sulmin terrorist në Banjskë, ku vet ata kishin një rol të rëndësishëm.
Siguria ishte në nivel të lartë, edhe brenda në sallë.
Në rendin e parë të dëshmitarëve, u ulën dy policët e plagosur më 24 shtator të vitit 2023.
Nga tre të akuzuarit, Dushan Maksimoviq ishte i vetmi që mori pjesë në seancën vendimtare.
Trupi gjykues e dënoi të pranishmin me plot 30 vite burgim, ndërsa Blagoje Spasojeviqin dhe Vladimir Toliqin me burgim të përjetshëm.
Vendimi s’u pëlqeu familjarëve të të akuzuarve.
Megjithatë, gjyqtari Ngadhnjim Arrni tha se përgjatë procesit gjyqësor, është vërtetuar fajësia e të akuzuarve.
Prokurori që ngriti aktakzuën, Naim Abazi thekson ky është një hap i rëndësishëm drejt vendosjes së drejtësisë.
Për t’u vendosur drejtësia e plotë, avokati i familjes Bunjaku, Arianit Koci, thotë se duhet të dënohen organizatorët e sulmit.
Sulmi në Banjskë të Zveçanit, nisi në orët e para të 24 shtatorit të vitit 2023.
Sipas aktakuzës përgjegjës janë 44 persona, dhe listës së të akuzuarve i prin Milan Radojiçiq.
Ata akuzohen se përmes përdorimit të dhumës me armatim të rëndë, tentuan ta shkëpusin pjesën veriore të territorit të Republikës së Kosovës, dhe t’ia bashkangjisnin Serbisë.
Si rezultat i sulmit të armatosur, mbeti i vrarë rreshteri i Policisë së Kosovës, heroi Afrim Bunjaku.
