Futbollisti i Shqipërisë, Armando Broja do ti prijë sulmit të Burnleyt edhe kundër Manchester Unitedit, ndeshje kjo që luhet në kuadër të Premier League.
Burnley, sot prej orës 21:15 e pret në shtëpi skuadrën e Unitedit në ndeshjen e xhiros së 20-të.
Bëhet e ditur se trajneri i Burnleyt, Scott Parker ka vendosur të startojë me Brojën në sulm, pasi pret shumë nga futbollisti i Kombëtares së Shqipërisë.
Broja ka vetëm 1 gol dhe 1 asistim në 14 paraqitje deri më tani me fanellën e Burnleyt, ekip që iu bashkua në fillim të këtij sezoni nga Chelsea.
Burnley është i parafundit në Premier League me 12 pikë, ndërsa Manchester Unitedi që ditë më parë shkarkoi trajnerin Ruben Amorim zë vendin e gjashtë më 31 pikë të mbledhura.
